Tata ta tira su tres yiu nan na nan propio cas.

Tres mucha a keda tira y mata na Clermont County na Ohio ayera atardi.

Un testigo a yama polis pidiendo auxilio pa un tata cu ta matando tur hende. 
Na yegada na e sitio policial nan a haya cuater persona tira pafo di un cas. 
Ta trata aki di tres ruman homber di 7,4 y di 3 aña. 

E tata a pone e tres mucha nan para banda di otro y a tira nan cu un rifle na nan propio cas. 
Den un acto di desesperacion pa protehe su yiu nan e mama a purba di gara e arma for di e tata y asina a ricibi un tiro na su man. Un di e yiu nan a logra huy pero e tata a core su tras, hibe bek na cas y tira e mucha dilanti tur testigo, incluyendo e mama. 
Na prome instante a purba tur medida posibel pa salba bida di e tres mucha nan, pero no tawata tin exito.
Tur tres victima a fayece door di e tiro nan ricibi.

Na e sitio di e incidente polis nan a encontra un homber di 32 aña sinta pafo, ken despues a keda identifica como Chad Doerman, tata di e mucha nan.
Doerman a keda deteni inmediatamente y e mesun anochi e la keda acusa di asesinato y transporta pa prizon.

E mama di e mucha nan a ser haya pafo di e cas cu un herida di bala na su man y mesora a transporta e mama pa hospital pa e ricibi tratamento. Na hospital a notifica e mama cu su tres yiu nan a fayece durante e tragedia aki. 
Un caso recien unda cu poco poco ta cononoce mas hecho pero e acto malvado aki ta imposibel pa procesa.