Tres pitbull ta ataca dama gravemente na Curacao.

​

Autoridad nan a ricibi un yamada pa atende un caso unda cu algun cacho lo a morde un dama den Kaya Pronoia, Curaçao.
E dama tawata canando den e caya y diripiente tres cacho di rasa pitbull a sali for di un cura di cas y ataca e dama severamente. 
E porta di e cas tawata habri y asina e cacho nan a sali. 
Na e sitio polis a haya e dama cu herida nan grave na su pia, curpa y cara di mordi di e cacho nan.
Inmediatamente a transporta e dama pa sala di emergencia di Curaçao Medical Center pa e ricibi e tratamento necesario.
E doño di e cacho nan tambe a keda herida.
E caso ta sigui bou di investigacion y polis a ordena pa pone e cacho nan drumi.