Un adulto mayor ta fayece na Bogota despues di ser trapa pa un bus di Transmilenio

​

Un accident serio a tuma lugar dialuna 21 di October na San Cristóbal, Bogota. Na un luz di trafico, un adulto mayor ta perde su bida despues cu un bus di Transmilenio a pasa riba dje mortalmente.
E echo a keda registra riba camaranan cu ta situa ne area y cu na e momentonan aki, ta forma parti di e material cu lo ser usa pa analisa y clarifica e echo ne autoridadnan di transito.
Den e e grabacionnan por mira e momento caminda e adutlo mayor ta crusa caminda cu ayudo di su wandelstok, mientras cu e bus di Transmilenio tabata para na un lus di trafico cu na e momento ey tabata cora.
Net prome cu e adulto mayor a crusa, ela haci 2 senjal cu e bus pa e warde y permitie di por a crusa trankil. Sin embargo, ora cu e lus di trafico a bira berde y tur auto a cuminsa core, e bus di Transmilenio tambe a cuminsa core y pasa riba e adulto mayor cu e parti dilanti di e bus y cu e tire.
Despues di lo susedido, personan pasando den e area a indica e chauffeur di e bus pa e para y hala e bus. Polis di transito a ser yamam y informa tocante e situacion lamentabel aki.
Atrabes di un comunicado di prensa, Transmilenio ta lamenta e accident y ta manda un mensahe di condolencia na e familiarnan di e adulto mayor cu a perde su bida.