Despues di maltrato ricibi welo ta mata su nieto.

 

Na Bahía Blanca, Argentina, un welo di 76 aña a tira su nieto 5 biaha y a mat’e, despues cu e nieto a golpia e homber varios biaha. Diadomingo cu a pasa e homber di 29 aña, Brian Domingo, a yega cas di su welo cu un palo, cu no mucho bon intencion. Un dama a purba di detene Brian, pero e no a logra y consecuentemete Brian a sigui maltrata e welo. Despues di un rato Brian a sali di e cas y el a cana bay. No mucho despues el a regresa y nan a cuminsa discuti atrobe. E welo a cansa, el a bay paden, saca su arma y tira su nieto 5 biaha. Brian a muri inmediatamente. E autoridadnan a detene e homber, pero hues a lag’e den libertad, debi na su edad y e imputacion poni na su persona, unda el a nenga rotundamente, a base di conseho di su abogadonan.