Varios invitado ta exigi ‘refund’ di nan ticket di avion despues cu e pareha a cancela nan casamento.

Imagina bo, cu bo a cumpra ticket di avion pa presencia un casamento y diripiente bo ta haya notificacion cu e pareha a postpone nan matrimonio, pero nan tin un motibo valido pa haci esaki. Esaki mes ta e caso, unda un pareha mester a postpone nan casamento, pa haya tratamento di cancer y algun invitado no a haya esaki apropia y a dicidi pa pidi un ‘refund’. A diagnostica e dama di Australia cu cancer net 2 siman prome cu e lo yega altar y aunke algun di e invitadonan tabata amabel y comprensivo cu e situacion y dun’e palabra di pronto recuperacion, e sobra di e invitadonan a pidi ‘refund’ pa nan ticket di avion. E dama a bisa cu e invitadonan aki a keda insisti pa haya nan placa bek y e ta haya e situacion aki uno hopi doloroso, paso su salud ta bin prome cu cualkier celebracion. E dama tambe a bisa cu e invitadonan mester regla cuenta cu e aerolineanan y no cu nan como pareha.