Wela ta laba computer di nieto cu awa y habon pa deshaci di virus.

Un wela na Tijuana, Mexico, a dicidi pa laba e computer di su nieto hopi bon cu awa y habon, pasobra e nieto a bis’e, cu su computer tin un virus. Aarón Yera a filma con su wela a haci esaki y despues el a splica e wela kico ta loke e kiermen cu e computer tin un virus. Algun di e comentarionan cu Aarón a haya ta, cu otro biaha e mester ta mas specifico y splica su wela mihor kico e kiermen, aunke no por descarta e bon intencion di e wela. Den menos di 3 dia e video a haya 5.7 miyon di ‘views’. Aaron tabata tin su thesis den su computer.