Wela ta prefera di biaha ful rond di mundo en bes di wak pa su nietonan.

​

E pensamento cu un wela mester t’ey pa yuda wak pa su nietonan, tin un otro interpretacion awendia. E welanan incluso tin un edad relativamente hoben y sigur un deseo enorme pa biba nan bida. Esaki mes ta e caso di un wela di 62 aña, procedente di Brazil, cu a dicidi di bende su cas y su mueblenan pa realisa un aventura rond di mundo. Riba su Instagram; @Joviajando, e tin mas cu 24 mil siguidor y e ta comparti e imagennan di tur su aventuranan rond di mundo. Den un media local di Brazil e wela a comparti cu: “La abuela no debe criar a los nietos!” Un di su yiu muhernan no tabata di acuerdo cu e acto aki, pero despues el a acepta e deseo di su mama. E wela a comparti y bisa cu e welanan tambe mag tin un bida priva y disfruta plenamente di nan bida en bes di keda cas wak pa e nietonan.