Theresa E DiDonato, piscóloga, y investigadora di Loyola University Maryland,  a publica un articulo caminda e ta splica kiko tin di negativo ora bo ta manda mensahe constantemente pa bo pareha. 

 

E specialista a sigura cu entre mas bo ta hanja mensahe di bo pareha, mas bo ta bai sinti obliga pa conteste, hasiendo asina e mensahe un obligacion y no algo cu bo ta sinti falta di dje. E por cuminsa bira un dependencia cu por genera problema den futuro. E experto a sigui bisa cu parehanan cu ta manda mensahe hopi, incluso mas di lo cual nan ta papia ora cu nan ta personal, lo por tin problema, e mensahe di texto ta hasi cu ta crea cierto distancia, cu no ta bon pa un relacion. De hecho, ora cu bo no ta manda mucho mensahe bo ta cuminsa sinti falta di e persona y bo tin mas gana di wak e.

 

Via un mensahe di texto un conbersacion por tin otro insinuacion y vooral si ta un pelea. Pues entre menos mensahe bo ta manda pa bo pareha y tin conversacion mas formal personal, bo tin mas stabilidad.