Yiu ta keda sin invita su mama riba dia di su casamento.

​

Felicity, un dama cu ta biba na Nova Scotia, Canada, a bisa cu e no lo invita su mama na su casamento, paso e no ta sinti su mes aprecia ni apoya. Banda di esey e tabata sinti un gran ansiedad tambe, cu e mama lo bay haci e dia di mas special, un infierno p’e.

Tur cos a cuminsa, durante un yamada. Felicity tabata bisa su mama, cu e tabata ansha y sinti su presion abou, door di e preparacionnan di casamento. E contesta di e mama, tabata loke a pone cu Felicity no kier invita su mama mas. E mama a contest’, cu e mester busca ayudo profesional, paso e mester ta loco y cu no ta algo normal locual e ta sinti.

Felicity a bisa, cu e tabata desea cu su mama a contest’e: “Con mi por yuda bo?”                                                  Ora cu e Felicity a bisa su mama, cu e no ta bay invit’e mas, e mama no a gusta. Despues di par di dia Felicity a haya sa, cu su mama ta papiando malo di dje y su prometido. E dama a dicidi di block e mama tur caminda y nan a keda sin papia. E dama a bisa cu simplemente, e no kier sacrifica su paz mental. E mama a interoga e ruman di Felicity, pa wak con e preparacionnan di e casamento ta bayendo y e mama a bisa e ruman, cu e no tin pensa di bisa ‘sorry’ tampoco na Felicity, paso segun e, e no a haci nada malo.